00:00
00:00
00:00
00:00

أم و بو

حقيقة كونية إنو كل شخص يتولد من أم. ورغم ذلك تحديات الأبوة والأمومة والحبالة والولادة نواجهوها وحدنا، بصمت وفي الظل. بودكاست "أم و بو" يتعمق في ها الكون هذا عبر سلسلة من الروايات الشخصية والحميمية، وين كل قصة يتردد صداها، وتتحول التجارب الفردية لمعرفة مشتركة وقوة جماعية.
18 أفريل 2024
series 84289

الحلقة الأخيرة

ريم وأيمن : طريق عثر نحو التوازن

الصغير كيف يجي للدنيا يشكّل نقطة تحول كبيرة بالنسبة للوالدين تحطّهم قدام إختبار يمتحن صلابة العلاقة بيناتهم.في الحلقة هاذي اللي تجمع بين الضحكة والعاطفة، ريم وأيمن يشاركونا آرائهم الشخصية في علاقة بتجربة الأبوة والأمومة ويحكيولنا كيفاش تعاملوا مع التغيّرات وكيفاش غلبوها في الآخر.

جميع الحلقات

الحلقة 7

هاجر: أم، عمل بكامل الدّوام

في مجتمع أبوي يحض على الترفيع في المردود والتنافسية، تولي تجربة الأمومة تحدي صعب.برشا نساء، كيما هاجر، يلقاو رواحهم مجبرات على تبديل أولوياتهن المهنية باش ينجموا يخصصوا أكثر وقت لصغارهم.
الحلقة 6

ناعومي : أثر الفقدان

الشهادة هاذي تجينا من عند أم ما كانتش تخطط للرحيل، لقات روحها مضطرة تاخذ الثنية الوحيدة المسموحة ليها و تجتاز الحدود عن طريق البحر. طريق شرس و رحلة فكتلها ولدها من يديها.
الحلقة 5

أسيل: صدى الفراغ

فقدان الرضيع، سواء قبل الولادة، ولا أثناءها، ولا بعدها بشوية، يحط الوالدين في حالة ضعف كبيرة. من المؤسف أن الحدث هذا غالباً ما يغفل عليه في الوسط الطبي. في الحلقة هاذي، تشاركنا أسيل تجربتها     وتحكي على الممارسات الطبية والاجتماعية التي يتحطوا قدامهم الآباء والأمهات في مواجهة الحداد على فقدان الصغير.
الحلقة 4

فادية : حياة تحت المشرط

بديهيا، المراقبة الطبية وقت الحبالة حاجة ضرورية لضمان صحة الأم والطفل. لكن للأسف، فما حالات وين الأخطاء الطبية تنجم تخلق برشا وجيعة و يكونلها عواقب طويلة المدى، كيما حكاية فادية.كلفت الأخطاء الطبية فادية حياة طفلتها الأولى، وتسببت في إصابة طفلها الثاني بإعاقة دائمة.
الحلقة 3

قيس : انبعاث أب

للأبوة آثار نفسية عادة ما تكون متجاهلة أولا، ومنبوذة ثانيا.مع ذلك، الآباء المستقبليون كيما الأمهات ينجمو يواجهوا اضطرابات عاطفية توصل للإكتئاب سواء السابق ولا اللاحق للولادة.في الحلقة هاذي، قيس يقطع مع المسكوت عليه في ما يخص التحديات المحيطة بالأبوة وتحضيرات قدوم الطفل.
الحلقة 2

سلمى : القلب ماعاش يدق

الثلاثة شهور الأولى تعتبر من أصعب المراحل في الحبالة، خاصة كيف تبدا محكومة بصمت ما يعبرش علّي تعيشه الأمهات.الصمت وتحقير آلام الأمهات في أول ثلاثية من الحبالة، ثنائية بش تكون أعنف في حالة الإجهاض التلقائي.  هذا الّي بش تحكيهولنا سلمى.
الحلقة 1

بيّة : اكتئاب ما قبل الولادة، سحابة سوداء

إكتئاب ما قبل الولادة اللي يوصل يمسّ حوالَي 20% من النساء الحوامل عادة ما نستعرفوش بيه ويتعدى غير مشخص. الصور النمطية اللي تختزل الحبالة في الفرحة والتجربة السعيدة تخلق حواجز للنساء اللي يتعداو بالتجربة هاذي و تمنعهم من أنهم يحكيوا عليها بصراحة وعلانية. في الحلقة هاذي، بيّة تحكيلنا بكل أمانة و شَجاعة على تجربتها مع القلق والإكتئاب خلال فترة الحبالة.

ولادة أم و بو

"الصغيّرات محلاهم، أما من بعيد لبعيد". هذا الّي كانت تقولو أم شابة قبل ما تحبل وتجيب صغيرها. الحلقة الافتتاحية من بودكاست "أم و بو" تسلط الضوْ، بطريقة شخصية ومؤثرة وساعات حزينة، على أهمية الحديث بصراحة وبلا تابوهات عن الأبوة/الأمومة.

إقترحات أخرى

عن علاقتنا بالعمل

وين تكمن القيمة الحقيقية للخدمة وكيفاش نطوروا علاقتنا بيها؟ كيفاش ننجموا نرصدو بيئة العمل السامة؟ شنيا تداعيات المنافسة، متلازمة المحتال، والإمتيازات على صحتنا النفسية في علاقتنا بالعمل؟ وشنيا الدروس اللي ننجموا نستخلصوها من تجاربنا سواء الباهية ولا الخايبة باش نخلقوا بيئة عمل سوية؟

القانون الدولي و منظومة الهيمنة : حرب الإبادة في غزة

ماهي تداعيات حرب الإبادة التي تقترفها قوات الإحتلال الصهيوني على الشعب الفلسطيني في قطاع غزة؟ كيف يتفاعل المجتمع الدولي مع هذه الحرب؟ كيف تتجلى المعايير المزدوجة في تطبيق القانون الدولي؟تجيب فرانشيسكا ألبانيزي، المقررة الخاصة المكلفة بحالة حقوق الإنسان في الأراضي الفلسطينية على هذه التساؤلات في نقاش نظم من قبل إنكفاضة، المنتدى التونسي للحقوق الإقتصادية والإجتماعية، البوصلة ومحامون بلا حدود في الخامس من جوان 2024.

الحب والعلاقات

كيفاش تعلمنا نحبو وشنيا الأحكام المسبقة الموروثة على الحب؟ كيفاش نفيقو بالعلاقات السامة؟ شنيا أثر تطبيقات المواعدة والتجاهل على أماننا العاطفي؟ شنيا نتعلمو من العلاقات السابقة باش نحسنو العلاقات القادمة؟

من نحن

إنكفاضة بودكاست هي أول منصة رقمية من نوعها مخصصة كليا للإنتاجات الأصلية للبودكاست في تونس. أطلقها موقع إنكفاضة بالتعاون مع إنكيلاب مخبر البحث الرقمي والتطوير التابع له.
في خضم العدد الهائل والمتزايد لإنتاجات البودكاست في العالم (وهي إنتاجات صوتية أصلية متوفرة عند الطلب)، انضمت إنكفاضة للمغامرة سنة 2017 حين انكبّ الفريق على إنتاج أول وثائقي سمعي تونسي يتمثل في غوص غير مسبوق في الكامور : اعتصام في قلب الصحراء.
منذ ذلك الحين، ضاعفت إنكفاضة بودكاست إنتاجاتها من وثائقيات وبرامج و مقالات مسموعة مُدمجة على خلفية موسيقية، وقصص أخرى تتناول مواضيع شتى متعلقة بالإشكاليات الراهنة والحالية، في سبيل توفير انغماس أعمق وتجربة بديلة.
بالإضافة إلى خصوصية الإنتاجات الأصلية القائمة حصراً على وسائط سمعية، تتبنّى إنكفاضة بودكاست مبادئ وقيم الموقع الأم inkyfada.com المتمثلة في إصدارات ملتزمة ودقيقة وذات جمالية وجودة عاليتيْن.
إلى جانب الفريق الدائم، تتعاون إنكفاضة بودكاست عن كثب مع صحفيين وصحفيات وفنانين وفنانات ومصممين ومصممات وموسيقيين وموسيقيات ومختلف صانعي وصانعات المحتوى، قصد تقديم إصدارات متنوعة وفي سبيل دعم الوسط الفني.
يكمن الفرق بين البودكاست وبين المحتويات المُذاعة على قنوات الراديو التقليدية خاصة في ما تتخلله من عمل جسيم على الإخراج والمونتاج الأشبه بالتقنيات السينماتوغرافية. هذا بالإضافة لكونها موجهة للاستعمال على شبكة الإنترنت ومتوفرة للتحميل المجاني والاستماع عند الطلب.
إنتاجات إنكفاضة بودكاست تقدم للمرة الأولى كذلك ترجمات تحتيّة متوفرة باللغات الثلاث العربية والفرنسية والإنجليزية لكل المحتويات السمعية المحكيّة أغلبها باللهجة التونسية، أو باللغة التي تـ·يخيرها المتدخلة أو المتدخّل.

معلومات إضافيّة